Psa 14 | YON | STEP | Yook ambo bi ye karub yeman. Dewid ye yook. Inameniibbandan kuu yi niindem aom kuu “Godiibban, dowan.” ande yedmimaib. Yi kuu yorokmomban, unitab, yi ambangki kuu komyengiib, yi kuyaa mimo kanembed ma amun kamimokban.

Psalms 14

Yook 14

Yook ambo bi ye karub yeman. Dewid ye yook.

1 Inameniibbandan kuu yi niindem aom kuu
“Godiibban, dowan.” ande yedmimaib.
Yi kuu yorokmomban, unitab, yi ambangki kuu komyengiib,
yi kuyaa mimo kanembed ma amun kamimokban.
2 Yariman kuu Ewen arimbed kiri nimakarub korem yaa kerendeen,
ye kuu karub mim mim kanembed inamen kande God ye kiwaan yaa onme dobiridan kuu wedmanded.
3 Kumban yi korem kuu amonombe yangmad kere kimyen wenebiwen,
kwane yi kuu ibonmo yorokmoyiibban unitab keriwen.
Yi mim kuyaa kuu kanembed ma amun kamimokban,
korem dowan kai.
4 Arewa kamidan kuu ma kaadkeraniib dee?
Kedi, yi kuu om anemoon areb ne karuwa nimaya monmarimaib,
kwane yi kuuYariman yaa ma baandimokban.
5 Kumban yi kuu unimbed de derendande onekandoon,
amborom kuu God kuu yorokmodan yoom doreen kowe.
6 Arewa kamidan, yiib kuu kamboknondan yi inamen kowiwen yaa kebenimaib,
kumban yi kuuYarimanbed kukbimaanbon aombed dobirimaib.
7 O, Israeldan yi bondan burudande obon kerundi ye karub kuu aangko Saion arimbed angkadere monok.
Kuyaron kuuYarimanbed ye nimaya karuwa ben obonmo kerunde yiminmo kerundaneen.
Kwanoka Yekob ye meed Israeldan kuu dowaken kere kubime.